Why Are We Shallow? (Reaction Paper)

"Why Are We Shallow?" yan ang tanong ni Ginoong F Sionil Jose sa ating mga Pilipino. Makikita mo sa kanyang artikulo kung paano niya inobserbahan ang mga galaw ng tao sa Social Media at Internet, Newspaper, TV o Radyo at kahit sa simpleng interaction sa totoong buhay. Madami siyang binigay na  matitibay na argumento na nakatulong upang lalo ko pang maintindihan ang tanong niyang "Why Are We Shallow"

Nagsimula ang kanyang artikulo base sa kanyang kasamahan na tinanong sa kanya kung bakit ang babaw natin. Bigla siyang napaisip kung bakit nga ba tayo'y mababaw? Sinabi niya rin dito na pag nakuha na ang sagot sa tanong, doon lang natin ma-uunawaan kung bakit madami taong hangad sa popularidad at kung bakit walang maayos na babasahin sa mga pahayagan.

Bakit nga ba tayo Mababaw? Isa sa mga sinasabing rason kung bakit mababaw ang mga Pilipino dahil wala na masyadong diin ang ating "educational system" sa pagiging tao. Masyadong pokus ang Matematika, Ingles at Agham imbis ang mga pag-aaral sa mga dating pag-aaral na nagtuturo ng pilosopiya na nagkakaroon ng mas malawak na pag-unawa sa pagiging tao.

Isa rin rason ang pagiging mayabang o "ego driven" at walang kababaang loob. Nakakalimutan na tayo ay tao at nagkakamali rin. Sinabi sa artikulo na makikita ang mga ganitong tao sa ating TV at Internet. Mag log-in ka sa Facebook at tumingin ka sa mga post tungkol sa politika at naglalabasan ang mga pakiramdam nila alam nila ang lahat. Ang pag tanggap ng mga gawain na hindi naman kaya gawin ay isa rin anyo ng kayabangan.

Ang isang matalinong indibiduwal ayon kay F Sionil Jose, ay alam ang kanyang mga kahinaan at hindi takot humingi ng opinyon sa mga kasamahaan. Isa si Wilfredo Villacorta ang nagpakita na hindi masama na umamin na hindi niya kaya ang isang gawain. Binigyan siya ng isang position sa gobyerno at ito'y tinanggihan niya dahil alam niya sa sarili niya na wala siyang kapasidad na gawin ang isang mabigat na gawain.

Ang Media rin daw ay isa sa mga rason kung bakit tayo'y mababaw. Mga telenovela na pare-parehong mga mensahe ang ipinapalabas. Popularity at Quantity daw ang nagpapatakbo sa ating mga media. Ang kakulangan sa pagbabasa ay rason rin. Maski bata o matanda dapat ay nagbabasa. Hindi na raw dinadayo ang mga bookstore dahil sa mga smartphones na nagbibigay na ng information. At kung mayroon daw pumunta sa mga bookstore ang kanilang binibili ay hindi "informative" at ito'y pang aliwan lamang.

At ang kanyang huling arguemento. Ang mga tao ay masyado nang "materialistic". Masyado nang nalunod ang mga tao sa ginto. Lahat ng bagay ay presyo sa mata ng tao. Oo, masarap mabuhay kapag madami kang gamit na makakatulong sa iyong pang araw-araw na buhay pero hindi umiikot ang buhay natin sa mga material na bagay.

Ano ang gusto ipaintindi ng awtor satin? Sa akin palagay ang gusto lamang ng awtor ay ipamulat sa ating mga mata na nakakalimutan na natin maging tao. Nakalimutan na natin makisalimuha sa kapwa tao dahil masyado na tayong nalunod sa material na bagay, sa ating ego, at sa atin pansariling interest. Masyado na tayong mababaw dahil ang atin pagiisip ay parating "Me, Myself and I". Ang hamon ni F Sionil Jose ay magbago tayo. Magisip ng malalim, hindi lang parating Ikaw. Intindihin mo na may ibang tao sa mundong ito at hindi lahat ay umiikot sa buhay mo. Sabi nga ni Duterte, "Change is Coming" hindi magkakaroon ng pagbabago kung sa sarili mo ay hindi ka magbabago.


Why we are shallow ni: F Sionil Jose http://www.philstar.com/arts-and-culture/725822/why-we-are-shallow

Isinumite ni: John Mavrik Yun

                                                                                                              Isinumite kay: Gng. Lilia C. Embat